Own Creation को आयोजनामा “द ग्लामर रनवे २०२४” को पहिलो चरणको अडिसन सम्पन्न भएको छ । आज शनिबार नेपालगन्जस्थित एक्सट्रीम फिटनेसमा भएको अडिसनबाट १२ जना प्रतियोगीहरु छनोट भएको आयोजक मोहिनी दिलीप पौडेलले जानकारी गराइन् ।
दिउसो करिब १ बजेबाट सुरु भएको उक्त अडिसनमा निर्णायकतर्फ नेपालगन्जका चर्चित मिडियापर्सन समिर मान श्रेष्ठ , फिटनेस ट्रेनर किरण श्रेष्ठ , मिडवेष्ट लिटिल प्रिन्सेस २०१७ विजेता प्रचारिका केसी र बाँके रनवे २०२२ विजेता निर्भिक राज बुढाथोकी रहेका थिए ।
टक्सार रियल ईस्टेट टाइटल स्पोन्सर रहेको “द ग्लामर रनवे २०२४” को अब दोश्रो अडिसन बुधबार हुने तथा फाल्गुनको दोश्रो हप्तामा फाइनल हुनेछ । बीस दिने वर्कसप भने भोली देखी नै सुरु गरिने रनवेका कोरियोग्राफर मिस्टर ग्लाम नेपालगन्ज २०१९ का बिजेता प्रसिद्ध सिंह ठकुरीले जानकारी गराएका छन् ।
